مظفرگڑھ (مظفرگڑھ ڈاٹ سٹی۔ 19 اکتوبر2022ء) مظفرگڑھ میں چار روزہ ساتویں تھل جیپ ریلی کا اعلان کرتے ہوئے فوکل پرسن کی طرف سے شیڈول جاری کر دیا گیا ہے۔
میگا سپورٹس ایونٹ ساتویں تھل جیپ ریلی کے فوکل پرسن ایڈیشنل ڈپٹی کمشنر ریوینیو تنویر مرتضی کے مطابق ہیڈ محمد والہ کے ریت ٹیلوں سے شروع ہونے والی 4 روزہ تھل جیپ ریلی 17نومبر2022 سے20 نومبر تک جاری رہے گی ،تھل جیپ ریلی کے پہلے روز 17 نومبر کو گاڑیوں کی رجسٹریشن، ٹیگنگ اور میڈیکل چیک اپ ہو گا۔
دوسرے روز 18 نومبر کو کوالیفائنگ را ؤنڈ ہوگا،تیسرے روز 19نومبر کو سٹاک کیٹگری ریس ہو گی اور آخری روز 20 نومبر کو موڈیفائیڈ وہیکل اینڈ ویمن کیٹگری ریس اور شام کو تقریب تقسیم انعامات ہو گی ۔ٹورازم ڈویلپمنٹ کارپوریشن اور ضلعی انتظامیہ کے تعاون سے ساتویں جیپ ریلی کرائی جا رہی ہے جبکہ فوکل پرسن ایڈیشنل ڈپٹی کمشنر ریونیو تنویر مرتضی کو مقرر کیا گیا ہے