مظفرگڑھ (مظفرگڑھ ڈاٹ سٹی۔ 23 اگست2022ء) مظفرگڑھ میں ٹریکٹر ٹرالی موٹرسائیکل تصادم میں ایک شخص جاں بحق، 2 زخمی ہو گئے ریسکیو کنٹرول روم مظفرگڑھ کے مطابق مظفرگڑھ کی تحصیل علی پور کے کالج چوک میں میپکو آفس کے سامنے ایک تیزرفتار ٹریکٹر ٹرالی نے موٹرسائیکل کو ٹکر مار دی جس کے نتیجے میں 45 سالہ صابر حسین ولد خدا بخش موقع پر جاں بحق ہو گیا اور 42 سالہ منیر ولد الہی بخش اور 28 سالہ محمد حسین ولد خادم حسین زخمی ہو گئے،اطلاع ملنے پر ریسکیو 1122 کنٹرول روم نے فوراً علی پور اسٹیشن سے ایک ایمبولینس روانہ کروا دی۔
اورپولیس کنٹرول روم کو بھی انفارم کردیا۔ ریسکیو سٹاف نے جائے حادثہ پر پہنچ کر اپنی پیشہ ورانہ مہارت کو بروئے کار لاتے ہوئے دونوں زخمیوں کو ابتدائی طبی امداد فراہم کر کے ٹی ایچ کیو ہسپتال منتقل کر دیا اور ڈیڈ باڈی کو ڈیڈ باڈی شیٹ سےکور کر کے ٹی ایچ کیو ہسپتال علی پور منتقل کر دیا ہے۔