مظفرگڑھ (مظفر گڑھ ڈاٹ سٹی. 16 نومبر 2015 ء):چینی لڑکی ڈولی کے معاملے پر آج فیصلہ کیا جائے گا. تفصیلات کے مطابق چینی لڑکی ڈولی پاکستان ہی میں موجود ہے . پاکستانی لڑکے سے شادی کی خواہشمند ڈولی مظفر گڑھ سرکٹ ہاؤس میں امیدوں کے خواب سجائے موجود ہے مگر ڈولی کے ویزے کی معیاد ختم ہو چکی ہے۔ڈولی کو مزید ویزہ جاری کرنے یا واپس بھیجنے کا فیصلہ آج ہی کرلیا جائے گا۔دوسری جانب ڈولی چین واپس نہ جانے پر بضد ہے اسی لئے اس نے ویزے کی معیاد بڑھانے کے لیے درخواست بھی جمع کروا رکھی ہے. ڈولی جہاں موجود ہے وہاں میڈیا کو رسائی نہیں دی گئی ۔ 20 ستمبر کو پاکستان آنے والی ڈولی نے واپسی کی شرائط بھی عائد کررکھی ہیں۔ تاہم متعلقہ حکام کے مطابق ڈولی کی قسمت کا فیصلہ آج ہی ہو جائے گا.