مظفرگڑھ (مظفرگڑھ ڈاٹ سٹی۔ 28 جولائی2022ء) ڈائریکٹر زراعت فارم اینڈ ٹریننگ کروڑ زون لیہ ملک غلام عباس نے کہا ہے کہ موسمی تبدیلیوں اور دن رات بڑھتی ماحولیاتی آلودگی پر قابو پانے کے لئے زیادہ سے زیادہ شجر کاری کرنا ہوگی۔ یہ بات انہوں نے گورنمنٹ سیڈ فارم احسان پور میں مون سون شجر کاری مہم 2022 کی افتتاحی تقریب سے خطاب کرتے ہوئے کہی۔
انہوں نے کہا کہ ہمیں شجرکاری کی طرف خصوصی توجہ دینی چاہیے تاکہ ہم صاف ستھری ہوا میں سانس لے سکیں۔ انہوں نے کہا کہ آئیے ملکر وطن عزیز کو سرسبز و شاداب بنانے میں اپنا کردار ادا کریں۔ اس موقع پر اسسٹنٹ ڈائریکٹر زراعت فارم محمد طلحہٰ شیخ نے کہا کہ 2ہزار کیکر، سفیدہ، شیشم کے پودے کاشتکاروں اور پٹہ داروں کو مفت فراہم کیےجا رہے ہیں۔ تقریب میں ڈاکٹر مرغوب عامر، علی وقاص، محمد اکرم، ملازم حسین ہوت، چودھری مقصود و غیرہ کے علاوہ کثیر تعداد میں کاشتکاروں نے شرکت کی۔آخر میں کاشتکاروں میں مفت پودے تقسیم کیے گئے۔