مظفر گڑھ۔ (مظفر گڑھ ڈاٹ سٹی۔ 25 دسمبر2016ء)مسلم لیگ (ن )سیکریٹریٹ مظفرگڑھ میں حماد نواز خان ٹیپو کی رہائش گاہ پر قا ئد اعظم محمد علی جناح اور وزیراعظم پاکستان کا یوم پیدائش پر جوش طریقے سے منا یا گیا جس میں مسلم لیگ (ن) کے عہدیداران اور سینکڑوں کارکنان نے شرکت کی ۔اس مو قع پر ایم پی اے حماد نواز خان ٹیپو نے قا ئدا عظم محمد علی جناح کی ملک پاکستان کے حصول کے لئے کی گئی انتھک محنت کو سراہا۔انہوں نے کہا کہ قا ئد اعظم محمد علی جناح نے انگریزو اور ہندوئوں سے مسلمانوں کے لئے اپنی مذہبی آزادی کے لئے ایک الگ وطن کے حصول کے لئے بے دریغ قربانیاں دیں اور انکے ساتھیوں نے بھی انکے شا نہ بشانہ ہمہ قسمی قربانیاں دے کر ملک پاکستان حا صل کیا ۔انہوں نے کہا کہ قا ئد اعظم کے مشن کو جاری رکھنے کے لئے وزیر اعظم پاکستان دن رات محنت کررہے ہیں اور ملک کی ترقی کے لئے ناقا بل فراموش اقدامات کررہے ہیں۔اس موقع پر خان قدوس نواز خان ،رئوف حسن قریشی ضلعی صدر یوتھ ونگ،فواد احمد خان ضلعی صدر ایم ایس ایف ،ایڈیشنل سیکرٹری مسلم لیگ (ن) شیخ حبیب احمد ،مختیار احمد چوغطہ ،صابر حسین قریشی ،عاد ل قریشی ،کونسلر بلدیہ عارف قریشی ،لیاقت پٹھان،اسرار احمد شیروانی ،خرم مہدی شاہ ،شوکت قادری ،یاسر اسد،عبدالرحیم کھوکھر،یونس مانی سمیت سینکڑوں کارکنان نے شرکت کی ۔حماد نواز خان ٹیپو نے یوم پیدائش قا ئد اعظم محمد علی جناح اور میاں محمد نواز شریف کا کیک کاٹا اور کارکنان میں تقسیم کیا گیا ۔آخر میں ملک کی سلامتی اور میاں محمد نواز شریف کی لمبی عمر کے لئے خصو صی دعا کی گئی ۔