مظفر گڑھ ۔ (مظفر گڑھ ڈاٹ سٹی۔ 04 نومبر2017ء) پاکستان مسلم لیگ ن کے رکن صوبائی اسمبلی حماد نواز خان ٹیپو کا کہنا ہے کہ سازشی عناصر ترقی و خوشحالی کا راستہ نہیں روک سکتے، مسلم لیگ ن وطن عزیز کی نظریاتی سرحدوں کی محافظ ہے ۔وہ یہاں مظفرگڑھ شہر کے علاقہ شیخوپورہ میں ترقیاتی کاموں کے افتتاح کے بعد جلسہ عام سے خطاب کر رہے تھے۔رکن صوبائی اسمبلی حماد نواز خان ٹیپو کا کہنا تھا کہ مسلم لیگ ن کی حکومت کی وجہ سے ملک میں ترقی و خوشحالی کا نیا دور شروع ہوا ہے لیکن ترقی و خوشحالی کے دشمن سازشوں میں مصروف ہیں لیکن ترقی کا یہ سفر رکنے کی بجائے آگے بڑھے گا ۔ انہوں نے کہاکہ وزیر اعلی پنجاب کی جانب سے دیے گئے خصوصی فنڈز سے مظفرگڑھ شہر میں 53 کروڑ روپے کے ترقیاتی کام کروائے گئے ہیں۔. ڈسٹرکٹ ہیڈ کوارٹر ہسپتال میں سو کروڑ سے زائد مالیت کا جنوبی پنجاب کا سب سے بڑا ٹراما سنٹر بنایا گیا ہے۔وزیر اعلی کے دیہی پروگرام کے تحت اپنے حلقے میں سو کلومیٹر طویل سڑکیں بنوائی ہیں مظفرگڑھ شہر میں کرائے گئے ترقیاتی کاموں کی ماضی میں نظیر نہیں ملتی۔ حماد نواز خان ٹیپو جلسہ گاہ میں پہنچے تو کارکنوں نے پرتپاک استقبال کرتے ہوئے منوں پھولوں کی پتیاں نچھاور کیں اور آتش بازی بھی کی گئی۔