مظفر گڑھ۔3 مارچ(مظفر گڑھ ڈاٹ سٹی۔ 03 مارچ2018ء) ملک کو پولیو جیسے موذی مرض سے پاک کرنے کیلئے حکومت ترجیح بنیادوں پر کام کررہی ہے ، ضلع مظفرگڑھ کو پولیو فری بنانے کیلئے ہم سب کو اپنا مثبت کردار ادا کرنا ہے، انسداد پولیو مہم کے دوران کوتاہی برتنے والے ملازمین کے خلاف آہنی ہاتھوں سے نمٹا جائیگا، یہ بات چیف ایگزیکٹیو آفیسر صحت ڈاکٹر شاہد مگسی نے ضلعی انضبا طی کمیٹی کے اجلاس کی صدارت کرتے ہوئے کہی، اجلاس میں ڈاکٹر سلیم اکبر لغاری ،ڈاکٹر طارق محمودڈی ایچ اوز ، ڈاکٹر محبوب ڈی ایس سی، ڈاکٹرعادل لغاری ڈبلیو ایچ اومبشر رضا ای پی آئی کوارڈینیٹر، امیر نواز کے علاوہ یونیسف کے نمائند گان نے شرکت کی،اجلاس میں پولیو مہم کے دوران عائد کردہ الزامات کا جائزہ لیا گیااور تمام ملازمین کو اپنی صفائی پیش کرنے کا موقع فراہم کیا گیا جبکہ کوتاہی برتنے یا ناقص رپوٹنگ کے ذمہ دار اہلکاران کے خلاف تادیبی کاروائی عمل میں لانے کے احکامات جاری کیلئے گئے، اس مرتبہ صحیح حقائق سے آگاہی کیلئے الزام علیہان کو بھی اجلاس میں شرکت کی ہدایت کی گئی تھی، الزامات ثابت ہونے پر ندیم چشتی سی ڈی سپروائزر یونین کونسل پتل کوٹ ادو کو جبری ریٹائرڈ اور غلام کبریٰ لیڈی ہیلتھ ور کر اربن مظفرگڑھ کو معطل کرنے کی سفارش اور ظفراقبال ڈسپنسر ،مدثر عباس سینئر ٹیکنیشن کو علی پور تبادلہ کئے جانے کے احکامات جاری کئے گئے ،اسکے علاوہ انیلہ پروین لیڈی ہیلتھ سپروائزرپتل کوٹ ادو ،شمیم ممتاز لیڈی ہیلتھ ورکر گل والہ ،شفیقہ بی بی ذکیہ بی بی لیڈی ہیلتھ ورکرز یونین کونسل پتی غلام علی کو شوکاز جبکہ یونین کونسل چھ سو بتیس کے یو سی ایم او محمد منشاء ، عنایت اللہ ایریا انچارج آمنہ نواز میڈوائف عبد الرشید محمد اصغر ڈسپنسر اور میرپور بھاگل کے محمد شہزاد ڈرائیور کی جواب طلبی کی گئی ،آخر میں ڈاکٹر شاہد مگسی نے ملازمین کو متنبہ کیا کہ اگر آئندہ انکی جانب سے مہم کے دوران کوتاہی یا لاپرواہی برتی گئی تو انہیں ضلع بدر کئے جانے کی سفارش کی جائیگی ۔