مظفرگڑھ (مظفرگڑھ ڈاٹ سٹی۔ 04 مارچ2023ء) حکومت پنجاب کی ہدایت پر ضلع بھر میں شجرکاری مہم جوش و خروش سے جاری ہے۔ ڈپٹی کمشنر آغا ظہیر عباس شیرازی نے کمپری ہینسیو سکول میں پودے لگائے۔
اس موقع پر انہوں نے میڈیا سے گفتگگو کرتے ہوئے کہا کہ آلودگی سے پاک ماحول کیلئے پودوں کو پروان چڑھانا ہوگا، پودے لگا کر ان کی نگہداشت بھی کی جائے۔انہوں نے کہا کہ ہر طالب علم اور استاد اپنے اپنے سکول میں پودے لگا کر سر سبز پاکستان مہم میں اپنا حصہ ملائےاور شجرکاری مہم کو کامیاب بنانے کیلئے پودوں کے سٹالز بھی لگائے جائیں۔