مظفر گڑھ۔ (مظفرگڑھ ڈاٹ سٹی ۔ 30 جون2019ء) ضلعی صدر ایپکا مظفر گڑھ غلام رضا خان چانڈیہ نے ہنگامی پریس کانفرنس کرتے ھوئے کہا ہے کہ A.D.C.G. آفس میں تعینات ہیڈ کلرک حاجی سعید احمد خان چانڈیہ کے سیاسی تبادلہ کی پر زور انداز میں مذمت کرتے ہیں حلقہ پی پی 277 کے تحریک انصاف کے ایم پی اے میاں علمدار قریشی اپنے سیاسی اثرورسوخ کو ملازمین کے تبادلوں اور ذاتی پسند, ناپسند کے لئیے استعمال کر رہے ہیں جو بلا جواز اور انتقامی کارروائیوں کے سوا کچھ نہیں. اس تبادلے کو فوری طور پر کینسل کیا جائے .غلام رضا خان چانڈیہ نے وزیر اعظم عمران خان اور وزیر اعلی پنجاب جناب سردار عثمان خان بزدار سے ان تمام معاملات پر نوٹس لینے کی اپیل بھی کی ہے، انہوں نے کہا کہ اگر یہ تبادلہ نہ روکا گیا تو انصاف کے حصول کے لئے عدالت سے بھی رجوع کریں گے جو ھمارا حق بھی ہے ۔