مظفرگڑھ (مظفرگڑھ ڈاٹ سٹی۔ 19 ستمبر2022ء) اسسٹنٹ کمشنر مظفرگڑھ جمیل حیدر شاہ اور ان کی ٹیم نے شہر کے مختلف علاقوں کا دورہ کیا، اس دوران علی پور روڈ، ملتان روڈ، جھنگ موڑ اور جھنگ روڑ پر تجاوزات اور صفائی ستھرائی کے انتظامات کا جائزہ لیا گیا۔ انہوں نے صفائی کے عملہ کو ہدایت کی کہ وہ اپنا کام دیانتداری سے کریں۔
اس موقع پر اسسٹنٹ کمشنر کا کہنا تھا کہ ڈپٹی کمشنر کی ہدایت کی مطابق شہر کو خوبصورت بنایا جائے گا، ناجائز تجاوزات کا مکمل خاتمہ کیا جائے گا، بازاروں اور شاہرات کو کشادہ کیا جائے گا ، صفائی ستھرائی کو یقینی بنایا جائے گا اوراس سلسلے میں کوئی کوتاہی برداشت نہیں کی جائے گی۔
انہوں نے مزید بتایا کہ بلدیہ کا عملہ روزانہ کی بنیاد پر نالو ں کی صفائی پربھی کام کررہا ہے جس سے شہر کے سیوریج کے مسائل بھی کسی حد تک حل ہو جائیں گے۔ انہوں نے شہریوں سے بھی اپیل کی کہ وہ شہر کی خوبصورتی اور صفائی ستھرائی کیلئے انتظامیہ کے ساتھ تعاون کریں۔\378