مظفرگڑھ (مظفرگڑھ ڈاٹ سٹی۔ 14 ستمبر2022ء) نامعلوم مسلح ڈاکووں کی بیکری میں ڈکیتی،ڈاکووں کے تشدد سے 3 بیکری ملاز م زخمی ہو گئے ،ریسکیو کنٹرول روم مظفرگڑھ کے مطابق مظفرگڑھ کی تحصیل علی پور کے علاقے گھلواں کے نزدیک کراچی بیکری میں نامعلوم ڈاکووں نے ڈکیتی کی اور بیکری میں موجود نقد رقم چھین لی مزاحمت پر بیکری کے 3 ملازمین 56 سالہ نزر حسین ولد فضل حسین،52 سالہ صادق حسین ولد غوث بخش اور 30 سالہ اعجاز حسین ولد ملازم حسین کو تشدد کر کے شدید زخمی کر دیا،اطلاع ملنے پرر یسکیو کنٹرول روم مظفرگڑھ نے فوری طور پر علی پور سے ایمبولینس روانہ کی اور پولیس کنٹرول کو بھی اطلاع کر دی۔
ریسکیو سٹاف نے موقع پر پہنچ کر پیشہ ورانہ مہارت کو بروئے کار لاتے ہوئے زخمیوں کو ابتدائی طبی امداد دے کر مزید علاج معالجہ کے لئے تحصیل ہیڈکوارٹر ہسپتال علی پور منتقل کر دیا ہے۔پولیس تھانہ صدر علی پور نے موقع پر پہنچ کر ضابطے کی کاروائی شروع کر دی ہے۔