مظفرگڑھ (مظفرگڑھ ڈاٹ سٹی۔ 26 اگست2022ء) مظفرگڑھ شہر کی ارم باغ کالونی میں واقع نجی اسکول یونیورسل بوائز ہائی اسکول کی چھت خستہ حالی کے باعث گر گئی جس کے نتیجے میں نرسری کلاس کے 14 بچے زخمی ہو گئے۔
اطلاع ملنے پر ریسکیو ٹیموں نے جائے حادثہ پر پہنچ کر شدید زخمی 12 بچوں کو ابتدائی طبی امداد دے کر ڈسٹرکٹ ہیڈکوارٹر ہسپتال مظفرگڑھ منتقل کر دیا ہے اور دو معمولی زخمی بچوں کو ابتدائی طبی امداد دے کر گھر روانہ کر دیا ہے۔حادثے کی اطلاع ملتے ہی ڈپٹی کمشنر مطفرگڑھ علی عنان قمر بھی موقع پر پینچ گئے اور امدادی کارروائیوں کی خود نگرانی کرتے رہے۔