لمپی اسکن مویشیوں سے ہرگز انسانوں میں منتقل نہیں ہو سکتی ، ایڈیشنل ڈائریکٹر لائیو سٹاک اینڈ ڈیری ڈویلپمنٹ مظفرگڑھ

ایک سوال کے جواب میں انہوں نے نمائندہ اے پی پی کو بتایا کہ اگر لمپی اسکن مویشیوں سے انسانوں میں منتقل ہوتی تو اب تک مویشیوں کا علاج معالجہ کرنے والے ویٹرنری ڈاکٹروں، ویٹرنری پیرا میڈیکل سٹاف،مویشیوں کی نگہداشت کرنے والوں،گلہ بانوں اور مویشی ذبح کرنے والے قصائیوں میں منتقل ہو چکی ہوتی۔ انہوں نے زور دے کر کہا کہ لمپی اسکن کا مویشیوں سے انسانوں میں منتقل ہونے کا قطعی طور پر کوئی امکان نہیں ہے۔انہوں نے مزید کہا عوام لمپی اسکن سے متاثرہ مویشی کا گوشت،دودھ اور ان کی جو چیز بھی استعمال ہو سکتی ہے ہے بلا جھجھک اور بلا خوف استعمال کریں اس سے انسانوں کو کوئی خطرہ نہیں ہے۔