مظفر گڑھ (مظفرگڑھ ڈاٹ سٹی ۔ 22 جون2022ء) مظفر گڑھ میں پسند کی شادی کی خواہش پر والد نے مبینہ طور پر اپنی 14 سال کی بیٹی کو قتل کر دیا، پولیس نے ملزم کو گرفتار کر لیا،15 جون کو لڑکی کو فائرنگ کر کے قتل کرنے کے بعد خودکشی کا رنگ دینے کی کوشش کی گئی تھی۔
مظفر گڑھ کی تحصیل کوٹ ادو کے علاقے دائرہ دین پناہ میں 15 جون کو 14 سال کی لڑکی کی سینے پر گولی لگنے کے باعث موت واقع ہوئی تھی۔
پولیس کے مطابق لڑکی کے والد نے واقعہ کو خودکشی کا رنگ دینے کی کوشش کی تھی اور پوسٹ مارٹم کرانے سے انکار کر دیا تھا۔معاملہ مشکوک نظر آنے پر پولیس نے لڑکی کا پوسٹ مارٹم کرایا تھا، پوسٹ مارٹم رپورٹ کے مطابق لڑکی کے سینے میں فاصلے سے گولی ماری گئی تھی۔رپورٹ آنے پر لڑکی کے مبینہ قتل کا مقدمہ تھانہ دائرہ دین پناہ میں درج کر کے اس کے والد کو گرفتار کر لیا گیا ہے۔