مظفرگڑھ (مظفرگڑھ ڈاٹ سٹی ۔ 25 جون2022ء) انسپکٹر جنرل آف پولیس راؤ سردار علی خان کے ویژن کے مطابق ڈسٹرکٹ پولیس آفیسر مظفرگڑھ کیپٹن ریٹائرڈ طارق ولایت نے تھانہ رنگ پور میں کھلی کچہری کا انعقادکیا ۔پولیس ترجمان کے مطابق ڈسٹرکٹ پولیس آفیسر نے تھانہ رنگ پور میں کھلی کچہری کا انعقادکیا جس میں ڈی ایس پی سٹی سرکل عمران رشید اور سٹی سرکل کے تمام ایس ایچ اوز نے شرکت کی۔
کھلی کچہری میں میڈیا نمائندگان اور شہریوں کی بڑی تعداد نے شرکت کی۔کھلی کچہری میں شہریوں کی طرف سےدی گئی 35 سے زائد درخواستیں پیش کی گئیں جن کے مسائل کے حل کیلئے فوری طور پر احکامات جاری کیے۔ ڈی پی او کا کہنا تھا کہ بر وقت انصاف کی فراہمی لوگوں کو حق اور انصاف ان کی دہلیز پرمہیا کرنا پولیس کا اولین فرض ہے ۔ ڈی پی او کا کہنا تھا کہ عوام کے مسائل اور پولیس سے متعلق شکایات کے لئے میرے دفتر کے دروازے ہمیشہ عوام کے لئے کھلے ہیں۔\378