مظفرگڑھ ۔ (مظفرگڑھ ڈاٹ سٹی ۔ 04 اگست2020ء) مظفرگڑھ کے علاقہ تھانہ جتوئی کے علاقہ جھگی والا میں داماد نے بیوی اور ساس پر فائرنگ کردی جس سے اسکی ساس مہراں مائی موقع پر جاںبحق جبکہ بیوی بشریٰ شدید زخمی ہو گئی۔
سیف اللہ نے ساس اور بیوی پر فائرنگ کرنے کے کچھ دیر بعد خود بھی گولی مار کر خودکشی کرلی۔ پولیس زرائع کے مطابق سیف اللہ نے گھریلو تنازعہ کی وجہ سے بیوی اور ساس کو گولیاں مارنے کے بعد خود کو بھی گولی ماری۔ پولیس نے زخمی بشریٰ اور جاںبحق سیف اللہ اور مہراں مائی کی لاشوں کو تحصیل ہیڈ کوارٹر ہسپتال جتوئی منتقل کردیا۔