مظفرگڑھ (مظفرگڑھ ڈاٹ سٹی۔ 30 نومبر2022ء) کمشنر ڈیرہ غازی خان ڈویژن لیاقت علی چٹھہ نے ڈپٹی کمشنر کیپٹن ریٹائرڈ سمیع اللہ فاروق کے ہمراہ تحصیل علی پور کا دورہ کیا۔ٹی ایچ کیو ہیڈکوارٹر ہسپتال کے مختلف شعبوں اور ترقیاتی منصوبوں کے معائنہ کے ساتھ چیئرمین تعلیمی بورڈ کی حیثیت سے راشد منہاس،آصف سکیم ہائیر سیکنڈری سکول کے دورے کئے۔
اس موقع پر متعلقہ افسران ان کے ہمراہ تھے۔کمشنر ڈیرہ غازی خان ڈویژن لیاقت علی چٹھہ نے ڈپٹی کمشنر کیپٹن ریٹائرڈ سمیع اللہ فاروق کے ہمراہ تحصیل ہیڈکوارٹر ہسپتال علی پور کا دورہ کیا۔
مختلف وارڈز کے معائنہ کے دوران مریضوں کی عیادت کرتے ہوئے معلومات لیں۔کمشنر نے ہسپتال کی حدود میں زیر تعمیر ٹراما سنٹر اور ڈائیلسز سنٹر کے کام کا جائزہ لیا اور افسران سے بریفنگ لی۔
دو منزلہ ٹراما سنٹر پر 9 کروڑ 70 لاکھ روپے اور 11 بیڈڈ ڈائیلسز سنٹر پر چار کروڑ 70 لاکھ روپے خرچ ہوں گے۔کمشنر نے تحصیل صدر ہسپتال کے پہلے ڈائیلسز سنٹر میں مشینوں کی تعداد بڑھانے کےلئے فلاحی تنظیموں کے ساتھ رابطہ کی ہدایت جاری کیں تاکہ زیادہ لوگوں کو سہولت فراہم ہوسکے۔کمشنر ڈی جی خان نے منصوبوں کو بروقت مکمل کرنے کےلئے کڑی مانیٹرنگ کے بھی احکامات جاری کئے۔