مظفرگڑھ ۔(مظفر گڑھ ڈاٹ سٹی۔ 12 اکتوبر2016ء) مظفرگڑھ کے علاقے سیت پور میں گیس سلنڈر کی دکان پر گیس ری فلنگ کے دوران دھماکہ٬ 4 افراد آگ میں جھلس کر زخمی ہوگئے٬ جن میں سے 2 افراد کی حالت تشویشناک ہے٬ جن کو بہاولپور اسپتال منتقل کردیا گیا٬گیس سلنڈر دھماکے کے نتیجے میں دکان اور دکان سے ملحقہ مکان مکمل طور پر تباہ ہو گیا٬ ریسکیو 1122 علی پور نے آگ پر قابو پا لیا ہی.تفصیل کے مطابق علی پور کے علاقے سیت پور میں گورنمنٹ بوائز ہائی اسکول سیت پور کے نزدیک واقع گھریلو گیس سلنڈر کی دکان میں گیس فلنگ کے دوران زور دھماکہ٬ دھماکے کی آواز سے لوگوں میں خوف و ہراس پھیل گیا٬ دھماکے کے نتیجے میں گیس سلنڈر کی دکان اور اس ملحقہ مکان مکمل طور پر تباہ ہو گیا ہے٬ دھماکے کے بعد دکان اور مکان میں آگ بھڑک اٹھی جس کے نتیجے میں دکان مالک خواجہ خضر حیدری کا 14 سالہ بیٹا خواجہ دانش حیدری٬ اور گیس ری فلنگ کرانے آئے ہوئے 2 افراد غلام مرتضٰی بربرا٬ گدا حسین اور راہگیر مبشر سمیت 4 افراد بری طرح جھلس گئے٬ موقع پر موجود افراد کا کہنا ہے کہ گیس فلنگ کے دوران سلنڈر کی لیکج چیک کرنے کے لئے جیسے ہی ماچس کی تیلی جلائی زور دار دھماکہ ہوا اور دکان اور مکان زمین بوس ہو گئے اور آگ بھڑک اٹھی٬۔اطلاع ملنے پر ریسکیو 1122 علی پور نے فوری طور پر موقع پر پہنچ کر٬زخمیوں کو اسپتال منتقل کیا اور آگ پر قابو پا لیا٬ آگ میں جھلس کر زخمی ہونے والے 2 افراد کو تشویشناک حالت میں بہاولپور وکٹوریہ اسپتال منتقل کردیا گیا ہے۔