مظفرگڑھ (مظفرگڑھ ڈاٹ سٹی۔ 15 نومبر2022ء) اسسٹنٹ ڈائریکٹر زراعت گورنمنٹ سیڈ فارم احسان پور طلحہ شیخ نے کہا ہے کہ گندم کو منافع بخش بنانے کیلئے بوائی سے قبل ہی پنجاب حکومت نے اس کی امدادی قیمت بڑھاکر 3000روپے فی 40 کلوگرام مقررکر دی ہے تاکہ کاشتکارگندم کو ایک منافع بخش فصل کے طور پر زیادہ سے زیادہ رقبہ پر کاشت کریں۔
انہوں نے کاشتکاروں پر زور دیاکہ گندم کی زیادہ سے زیادہ رقبہ پر کاشت ایک قومی فریضہ کے طور پر کریں۔
انہوں مزید کہا کہ سیڈ فارم میں فیلڈ اسسٹنٹ ہر ممکن طریقہ سے کاشتکاروں کی مدد اور رہنمائی کررہے ہیں،امسال حکومت پنجاب نے گندم کے بیج و دیگر زرعی مداخل پر 2 ارب روپے کی سبسڈی فراہم کی ہے، پٹہ داروں میں تحریک فارمر میٹنگز اورترغیب کے ذریعے زیادہ سے زیادہ رقبہ پر گندم کی بروقت کاشت کو یقینی بنایا جا رہا ہے تاکہ گندم کی اضافی پیداوار سے ملک میں فوڈ سکیورٹی کی صورتحال کو اطمینان بخش بنایا جا سکے۔