مظفرگڑھ (مظفرگڑھ ڈاٹ سٹی۔ 30 ستمبر2022ء) ڈپٹی ڈائریکٹر زراعت توسیع مظفر گڑھ رانا حبیب الرحمن نے کہا کہ کاشتکار دھان کی کٹائی کے بعدفصل کی باقیات کو آگ لگانے سے گریز کریں ،اس عمل سے زمین کی بالائی سطح پر نامیاتی مادہ کو نقصان پہنچتا ہے اور ذرخیزی متاثر ہوتی ہے۔انہوں نے کہا کہ دھان کی باقیات سے اٹھنے دھواں ٹریفک حادثات اور انسانی جانوں کے ضیاع کا باعث بھی بنتا ہے۔
دھان کی باقیات کو تلف کرنے کیلئے کاشتکار دستی کٹائی کی صورت میں روٹا ویٹر اور مشین سے کٹائی کی صورت میں ڈسک ہیرو کی مدد سے فصل کی باقیات کو زمین میں ملا دیں یا گہرا ہل چلا کر آدھی بوری یوریا فی ایکڑ چھٹہ کرکے پانی لگا دیں۔سموگ کے کنٹرول کے لئے محکمہ زراعت پوری طرح چوکس ہے اوردھان کی کٹائی کے بعد باقیات مثلاً پرالی اور مڈھوں کو آگ لگائے جانے کے واقعات کی مانیٹرنگ اور رپورٹ کی جا رہی ہے اور کاشتکاروں کی آگاہی کے لئے ذرائع ابلاغ کا موثر استعمال بھی کیا جا رہا ہے۔\378