مظفرگڑھ ۔ (مظفرگڑھ ڈاٹ سٹی ۔ 28 اگست2019ء) محرم الحرام میں سکیورٹی کے انتظامات کو فول پروف بنانے کے لئے ڈی پی او مظفرگڑھ صادق علی ڈوگر نے امن کمیٹی کے ممبران اور صحافیوں سے میٹنگ کی۔تفصیل کے مطابق محرم الحرام میں سکیورٹی کو فول پروف بنانے کے لئے، ڈی پی او مظفرگڑھ صادق علی ڈوگر نے علی پور میں امن کمیٹی کے ممبران اور صحافیوں سے ڈی ایس پی آفس علی پور میں میٹنگ کی۔
اس موقع پر ڈی پی او مظفرگڑھ نے امن کمیٹی کے ممبران اور صحافیوں کو بتایا کہ محرم الحرام میں امن امان کو فول پروف بنانے کے لئے، مقامی پولیس کے ساتھ، ایلٹ فورس، پاک آرمی کے دستے، اور رینجرز کے اہلکار بھی ڈیوٹی سرانجام دیں گے۔ان کا مزید کہنا تھا کہ شر پسند عناصر سے آہنی ہاتھوں سے نمٹا جائے گا۔اس موقع پر امن کمیٹی کے ممبران نے محرم الحرام میں امن امان کو قائم رکھنے کے لئے ہمہ قسمی تعاون کی یقین دہانی کرائی۔