ڈی پی او دفتر مظفرگڑھ میں نئے شکایات سیل کا قیام

مظفرگڑھ ۔ (مظفر گڑھ ڈاٹ سٹی۔ 02 مئی2019ء) ڈی پی او مظفرگڑھ غازی محمد صلاح الدین کیطرف سے ڈی پی او دفتر میں نئے شکایات سیل کا قیام، اور پولیس ملازمین کی طرف سے ان کے تبادلے پر یادگاری شیلڈ اور پھولوں کے گلدستے پیش کئے گئے۔تفصیل کے مطابق ڈی پی او دفتر میں دور دراز سے آنے والے سائلین کی سہولت اور آرام دہ ماحول دینے کے پیش نظر ڈی پی او مظفرگڑھ غازی محمد صلاح الدین نے اپنے کمرے کے قریب ایک کشادہ کمرے میں شکایات سیل قائم کیا جہاں سائلین کیلئے بیٹھنے کیلئے آرام دہ فرنیچر، پینے کیلئے صاف اور ٹھنڈا پانی اور فوری مسائل کا حل کیا جائیگا، دفتر کی تزئین و آرائش کا بھی خصوصی اہتمام کیا گیا اور سٹاف کو سائلین سے حسن و اخلاق سے پیش آنے اور فوری سماعت کیلئے ہدایات جاری کیں بعدازاں ڈی پی او مظفرگڑھ نے ترجمان پولیس کا دفتر ایک بڑے کمرے میں شفٹ کر کے اس کی تزئین و آرائش اور آرام دہ فرنیچر کا اہتمام کیا تاکہ دور دراز سے آنے والے معزز صحافی برادری کو ڈی پی او دفتر میں بیٹھنے کیلئے آرام دہ ماحول میسر آ سکے۔