مظفرگڑھ (مظفرگڑھ ڈاٹ سٹی 17 اکتوبر2022ء) ڈپٹی کمشنر کیپٹن (ر) سمیع اللہ فاروق کی زیر صدارت ڈسٹرکٹ پرائس کنٹرول کمیٹی کا اجلاس ڈی سی کمیٹی روم میں ہواجس میں اے سی مظفرگڑھ مبین احسان ،ڈی او انڈسٹریزسمیت دیگر متعلقہ افسروں نے شرکت کی۔ باقی تحصیلوں کے اے سی صاحبان نے ویڈیولنک کے ذریعے شرکت کی ۔ڈپٹی کمشنر نے ہدایت کی کہ پرائس کنٹرول مجسٹریٹس ناجائزمنافع خوری کرنیوالوں کیخلاف سخت قانونی کاروائی عمل میں لائیں ۔
ڈی سی نے مختلف اشیائے ضروریہ کی طلب ورسد کا تفصیلی جائزہ لیتے ہوئے اشیائے ضروریہ کی گرانفروشی کی روک تھام کیلئے موثر اقدامات کی ہدایت کی۔ انہوں نے کہا کہ طلب اور رسد کے فرق کو کم کرنے اورمقررہ نرخوں پر دستیابی کویقینی بنایا جائے، ناجائز منافع خوروں اور ذخیرہ اندوزوں سے کوئی رعایت نہ برتی جائے اورتمام پرائس کنٹرول مجسٹریٹس فیلڈ میں متحرک رہیں اورزیادہ سے زیادہ انسپکشن کریں۔اجلاس میں ڈٰی او انڈسٹریز نے بتایا کہ پنجاب بھر کے اضلاع میں مظفرگڑھ جرمانے، ایف آئی ٓآرز، انسپکشنز کے حوالے سے رینکنگ گذشتہ 16دنوں میں کافی بہتر ہوئی ہے اور 1428000کے مجموعی طور پر جرمانے عائد کیے گئے اور 5312انپکشنز کی گئیں ۔\378