مظفرگڑھ (مظفرگڑھ ڈاٹ سٹی ۔ 01 جون2022ء) ڈپٹی کمشنر مظفرگڑھ علی عنان قمر کی ہدایت پر اسسٹنٹ کمشنر چوک سرور شہید نعیم بشیر کی جانب سے کھلی کچہری کا انعقاد کیا گیا،اسسٹنٹ کمشنر نے کھلی کچہری میں عوام کے مسائل سنے اور ان کو حل کرنے کے احکامات جاری کئے۔
اس موقع پر اسسٹنٹ کمشنر نعیم بشیر نے میڈیا سے گفتگو کرتے ہوئے بتایا کہ عوام کو سہولت فراہم کرنے کےلئے پنجاب حکومت کی ہدایت پر پورے پنجاب میں کھلی کچہریوں کا سلسلہ جاری ہے۔
ڈپٹی کمشنر مظفرگڑھ کی ہدایت پر چوک سرور شہید میں بھی ہفتے میں 2 دن کھلی کچہری منعقد کی جاتی ہے جس میں اسسٹنٹ ڈائریکٹر لینڈ ریکارڈ سنٹر،تحصیلدار،قانونگو اور پٹواری صاحبان ایک ہی چھت تلے موجود ہوتے ہیں اور لوگوں کے فرد ملکیت،درستی ریکارڈ،انتقالات اور محکمہ مال سے متعلقہ دیگر مسائل ایک ہی چھت تلے حل ہو جاتے ہیں انہیں مختلف دفاتر کے چکر نہیں لگانے پڑتے۔\378