مظفرگڑھ(مظفرگڑھ ڈاٹ سٹی ۔ 23 اکتوبر2021ء) تھانہ سٹی کوٹ ادو کی حدود میں چوری کی واردات، چور لاکھوں روپے نقد اور ہزاروں روپے مالیت کے قیمتی موبائل لے اڑے، پولیس زرائع کے مطابق مظفرگڑھ کی تحصیل کوٹ ادو کے علاقے نورشاہ تلائی میں آرہ چوک پر موبائل شاپ کے تالے توڑ کر چور نقد رقم اڑھائی لاکھ روپے و دیگر سامان لے اُڑے،شاپ پر لگے سی سی ٹی وی کیمرے نے چوری کی واردات ریکارڈ کر لی،سی سی ٹی وی فوٹیج میں کالے رنگ کی ٹویوٹا جی ایل آئی گاڑی پر سوار نامعلوم چوروں نے دوکان کے تالے توڑ کر دس منٹ میں واردات کر ڈالی اور فرار ہو گئے،پولیس کی جانب سے فوری طور پر مقدمہ درج کر کے فنگر پرنٹس فرانزک شواہد اکٹھے کر لئے گئے ہیں ایس ایچ او تھانہ سٹی کوٹ ادو خرم ریاض نے کہا ہے کہ ملزمان کو جلد ٹریس کر کے گرفتار کر لیں گے،دکان کے مالک محمد شکیل نے بتایا ہے کہ موبائل فروختگی سے حاصل ہونے والی اور کچھ دیگر زرائع سے حاصل ہونے والی اڑھائی لاکھ روپے کی رقم دوکان میں رکھی ہوئی تھی،چور وہ رقم اور ہزاروں روپے مالیت کے 12 موبائل چوری کر کے لے گئے ہیں۔