پنجاب فوڈ اتھارٹی کی مظفرگڑھ کے مختلف علاقوں میں کارروائی ،ْ 33ہزار لیٹر سے زائد مضر صحت دودھ تلف ،ْ تین آئس فیکٹریاں سیل

مظفر گڑھ (مظفر گڑھ ڈاٹ سٹی۔ 02 جنوری2018ء) پنجاب فوڈ اتھارٹی نے مظفرگڑھ کے مختلف علاقوں میں کارروائی کرتے ہوئے 33ہزار لیٹر سے زائد مضر صحت دودھ کو تلف کر دیا گیا جبکہ اس کے ساتھ 3آئس فیکٹریاں بھی سیل کردی گئیں۔میڈیا رپور ٹ کے مطابق ملتان ،ْوہاڑی ،ْ بہاول نگر میں فوڈ اتھارٹی نے کارروائی کر کے سیوریج کے پانی سے اگنے والی سبزیاں بھی تلف کر دیں۔پنجاب فوڈ اتھارٹی نے مظفرگڑھ میں کے علاقے گدھ پور، شاہ جمال اور ہیڈ بکائنی میں موجود آئس فیکٹریوں کیخلاف کاروائیاں کیں۔اس دوران 3آئس فیکٹریوں میں زنگ آلود بلاکس میں جمع کیا گیا مضر صحت 33ہزار لیٹر سے زائد دودھ موقع پر ہی تلف کردیا گیا اور فیکٹریاں بھی سیل کردی گئیں۔فوڈ اتھارٹی کے عملے نے ملتان میں 928 کنال، وہاڑی میں 608 کنال اور بہاولنگر میں 200 کنال رقبہ پر کاشت سبزیاں ٹریکٹر چلا کر تلف کر دیں جبکہ خانیوال میں مضر صحت اشیا بیچنے پر 4فوڈ پوائنٹس بھی سیل کردیئے گئے۔