مظفرگڑھ(مظفرگڑھ ڈاٹ سٹی۔ 10 اکتوبر2022ء) ڈپٹی ڈائریکٹر وائلڈ لائف مظفرگڑھ محمد حسین نےٹیم کے ہمراہ غیرقانونی شکار کرنے والوں کے خلاف کارروائی کرتے ہوئے شکاری محمد ندیم کو رنگے ہاتھوں گرفتار کر کے قیمتی پرندے بر آمد کر لئے ۔
پولیس ذرائع کے مطابق محکمہ تحفظ جنگلی حیات کی ٹیم کی طرف بر آمد کئے جانیوالے پرندوں میں ہزاروں روپے مالیت دو قیمتی مور، 14 نایاب نسل کےتیتر اور تیتر کے بچے شامل ہیں ، شکاری کو پولیس کے حوالے کر دیا گیا ہے دیگر شکاری شکار گاہیں چھوڑ کر فرار ہونے میں کامیاب ہو گئے ہیں،پکڑے جانے والے شکاری محمد ندیم کے خلاف پولیس نےمقدمہ درج کر کے تفتیش شروع کر دی ہے۔
اس موقع پر ڈپٹی ڈائریکٹر وائلڈ لائف محمد حسین کا کہنا تھا کہ وائلڈ لائف کے تحفظ کےلئے غیرقانونی شکار کے خلاف مستقل بنیادوں پر کاروائیاں جاری رہیں گی۔