مظفرگڑھ(مظفرگڑھ ڈاٹ سٹی۔ 08 فروری2023ء) مظفرگڑھ میں نئے تعینات ہونے والے ڈپٹی کمشنر آغا ظہیر عباس شیرازی نے باقاعدہ اپنے عہدے کا چارج سنبھال کر کام شروع کردیاہے۔ڈپٹی کمشنر آغا ظہیر عباس شیرازی نے سبزی منڈی اور شہر کے مختلف علاقوں کا دورہ کیا اور سبزی منڈی میں روز مرہ کے اجناس کی آمد و رفت اور ان کی نیلامی کے عمل کا مشاہدہ کیا۔
ڈپٹی کمشنر نے اس موقع پر میڈیا سے گفتگو کرتے ہوئے کہا کہ گراں فروشی، ناجائز منافع خوری اور ذخیرہ اندوزی پر کوئی سمجھوتہ نہیں کیا جائےگا۔انہوں نے ہدائت کہ منڈی میں طے ہونے والے اجناس کی قیمیتوں کا نرخ نامہ صبح 9 بجے تک جاری کردیا جائے،سبزی منڈی میں صٖفائی کے نظام کو بہتر بنایا جائے اور آڑھتیوں کے مسائل کو بھی حل کیا جائے۔انہوں نے کہا کہ شہر میں بالخصوص مرکزی شاہراہوں اور چوکوں پر صفائی کے نظام کو بہتر سے بہتر بنایا جائے گا۔