مظفرگڑھ ۔ (مظفر گڑھ ڈاٹ سٹی۔ 13 فروری2020ء) ڈپٹی کمشنر مظفرگڑھ انجینئر امجد شعیب خان ترین نے کہا کہ ملک سے پولیو کے خاتمہ کیلئے سماجی طبقات مثبت کردار ادا کریں انہوں نے کہا کہ پولیو سے نجات ہم سب کی مشترکہ ذمہ داری ہے اس سلسلہ میں والدین علماء کرام اساتذہ اور سماجی تنظیموں کو ملکر پولیو کے خلاف جہاد کرنا ہوگا انہوں نے یہ بات انسداد پولیو مہم کے حوالے سے منعقدہ اجلاس سے خطاب کرتے ہوئے کہی انہوں نے مزید کہا کہ اس وقت جب دنیا پولیو سے مکمل خاتمہ کی جانب بڑھ رہی ہے پاکستان اور افغانستان میں پولیو کیسز کی تعداد میں اضافہ لمحہ فکریہ ہے موجودہ صورت حال میں ہمیں ہنگامی بنیادوں پر کام کرنا ہو گا قبل ازیں ڈاکٹر فیاض کریم لغاری سی ای ہیلتھ نے مہم کے حوالہ سے بتایا کہ اس مرتبہ مربوط آگاہی مہم کا آغاز کردیا گیا ہے جسکے تحت پولیو کے قطروں کی افادیت سے متعلق عوامی شعور بیدار کیا جا رہا ہے اس موقع پر ڈاکٹر کاظم خان نے مہم کے سلسلہ میں کئے گئیانتظامات ٹیم ٹریننگ لاجسٹک سپلائی کے بارے شرکائ کو آگاہ کیا اجلاس میں ڈاکٹر امیر بخش ڈی ڈی ایچ او ڈاکٹر شاہد حسین ڈبلیو ایچ او محمد راشد یونیسف ڈاکٹر الیاس ڈاکٹر فرحان ہاشمی سعداللہ خان ڈی ایس پی ہیڈکوارٹر کے علاوہ دیگر معاون محکمہ جات کے نمائندگان نے شرکت کی۔