مظفر گڑھ ۔ (مظفر گڑھ ڈاٹ سٹی۔ 10 مئی2019ء) ڈپٹی کمشنر ڈاکٹر احتشام انور نے کہا ہے کہ کھلی کچہری میں سائلین کی مسائل کے فوری حل کیلئے ہر ممکن اقدمات کئے جاتے ہیں جس کے بدولت سائلین کو فوری انصاف اور ریلیف میسر آرہا ہے یہ بات انہو ں نے ہفتہ وار کھلی کچہری میں سائلین سے خطاب کرتے ہوئے کہی، کھلی کچہری میں سماجی کارکن ہلال کاظمی کی شکایت کہ ماہ رمضان میں لگائے گئے سستے بازاروں میں اشیاء خوردو نوش کی معیار کو بہتر بنایا جائے، سستے بازار میں دستیاب آٹے میں ایک تہائی چھان شامل ہے اور چینی کا معیار بھی بہتر نہیں جس پر ڈپٹی کمشنر نے ڈسٹرکٹ فوڈ کنٹرولر کو آٹے کے نمونہ جات لے کر فوری طور کر چیک کرانے کے احکامات جاری کئے نیز انہوں نے احکامات جاری کئے کہ رمضان بازاروں میں صبح 9بجے سے شام 6بجے تک تمام اشیا ء کی دستیابی کو یقینی بنایا جائے، ایک سائل کی درخواست پر ڈپٹی کمشنر نے اسسٹنٹ کمشنر کی سربراہی میں کمیٹی بنائی کہ وہ محکمہ آبپاشی کی طرف سے غیر قانونی طور پر کاٹے گئے برگد کے درخت کی جانچ پڑتال کریں،ڈپٹی کمشنر نے چیف ایگزیکٹیو آفیسر تعلیم اور سی او ضلع کونسل کو ہدایت کی کہ وہ میونسپل کمیٹی کے سکولوں سے ریٹائرڈ ہونے والے اساتذہ کی پیشن کے معاملات کو فوری طور پر حل کریں۔