مظفر گڑھ (مظفر گڑھ ڈاٹ سٹی۔4 نومبر۔2015ء) مظفر گڑھ کی پولیس نے چینی دوشیزہ ڈولی کی وطن واپسی کیلئے چینی سفارتخانے کو خط لکھ دیا،جس پرچینی سفارتخانے نے کہا کہ چینی حکومت نے ڈولی کو باقاعدہ ویزہ جاری کیا اس لئے ڈولی کو چین واپسی کیلئے مجبور نہیں کیا جاسکتا۔بدھ کو ڈی پی او مظفر گڑھ کی طرف سے لکھے گئے خط میں چینی سفارتخانے سے درخواست کی گئی کہ چینی لڑکی ڈولی کو چین واپس بھیجنے کے انتظامات کئے جائیں۔ڈولی کو پولیس کی طرف سے مکمل سیکیورٹی فراہم کی جارہی ہے لیکن ڈولی بضد ہے کہ وہ امین جتوئی سے ملے بغیر واپس نہیں جائے گی۔پولیس کے خط کے جواب میں چینی سفارتخانے نے کہا کہ چینی حکومت نے ڈولی کو باقاعدہ ویزہ جاری کیا ہے اس لیے ڈولی کو چین واپسی کیلئے مجبور نہیں کیا جاسکتا۔