مظفر گڑھ (مظفرگڑھ ڈاٹ سٹی ۔ 02 جون2022ء) مظفر گڑھ میں بااثر افراد نے طالب علم کو بہیمانہ تشدد کا نشانہ بنا ڈالا۔مظفر گڑھ کے نواحی علاقے میں بااثر افراد نے والدین کی جانب سے زمین پر قبضے کا کیس واپس نہ لینے پر پانچویں جماعت کے طالب علم کو بہیمانہ تشدد کا نشانہ بنایا۔
ذرائع کے مطابق بااثر افراد نے طالب علم کو مارنے پیٹنے کے بعد والدین کو سنگین نتائج کی دھمکیاں دیں۔اہلخانہ کے مطابق پولیس ہماری مدد کرنے کے بجائے بااثر افراد کی سرپرستی کررہی ہے اور ہم پر کیس واپس لینے کے لیے دباؤ ڈالا جارہا ہے۔متاثرین نے بااثر افراد کے تشدد کے خلاف وزیراعلیٰ پنجاب سے نوٹس لینے کی اپیل کی ہے۔