ة مظفر گڑھ(مظفرگڑھ ڈاٹ سٹی۔ 21 نومبر2021ء) جنوبی پنجاب کے شہر مظفر گڑھ میں اغوا، زیادتی اور تشدد کا الزام لگانے والی لیڈی سب انسپکٹر کو ہی نوکری سے نکال دیا گیا۔
مظفر گڑھ میں اعلیٰ حکام کی جانب سے لیڈی سب انسپکٹر کے الزمات کی تحقیقات اور فیصلے سے پہلے ہی ایکشن لیتے ہوئے خاتون پولیس اہلکار کو نوکری سے فارغ کر دیا گیا۔نوٹیفکیشن کے مطابق خاتون پولیس اہلکار کو زیادتی کے متاثرین کی ویڈیوز، پولیس ریکارڈ اور حساس معلومات شیئر کرنے پر نوکری سے نکالا گیا۔ پولیس کے مطابق لیڈی سب انسپکٹر نے 4 ستمبر کو ملزم کاشف کیخلاف اغوا، زیادتی اور تشدد کا مقدمہ درج کروایا تھا، جس کے فوری بعد کارروائی کی گئی اور ملزم کو گرفتار کرلیا گیا تھا۔