مظفر گڑھ (مظفرگڑھ ڈاٹ سٹی ۔ 28 جون2019ء) تھانہ جتوئی کی حدود سے سات روز قبل اغوا ہونے والے شخص کا تا حال پتہ نہ چل سکا 7 بچوں کی ماں جمیلہ بی بی اپنے شوھر غوث بخش کی تلاش میں اپنے معصوم بچوں سمیت دربدر بھٹکنے لگی، جمیلہ بی بی کے مطابق اس کا شوھر غوث بخش ایک ھفتہ قبل ایک دیہاتی ھوٹل پر بیٹھا چائے پی رھا تھا کہ چند لوگ اسے زبردستی اٹھا کر لے گئے جمیلہ بی بی کا کہنا ھے کہ مقامی سیاسی بااثر لوگوں نے اس کے شوھر کو پولیس کی مدد سے غائب کیا ھے اس نے الزام لگایا کہ پولیس ان بااثر لوگوں کی آلہ کار بنی ھوئی ھے اسے کچھ پتہ نہیں کہ اس کا شوھر کہاں ھے کس حال میں ھے معلوم نہیں زندہ بھی ھے یا قتل کر دیا گیا ھے اس نے کہا کہ اس نے اپنے معصوم بچوں سمیت ضلع مظفرگڑھ کے تمام تھانوں کے چکر لگائے ھیں لیکن ھر جگہ اسے دھکے دے کر نکال دیا جاتا ھے جمیلہ بی بی نے بتایا کہ اس کا شوھر مزدوری کرتا ھے جب سے اس کا خاوند غائب ھوا ھے اس کے گھر میں فاقے ھیں اس نے کہا کہ جب تک اس کا شوھر بازیاب نہیں ھوتا وہ ڈی پی او آفس کے سامنے بیٹھی رھے گی اس نے وزیر اعظم،وزیراعلی ا اور آرمی چیف سے بااثر افراد اور پولیس سے اس کے شوھر غوث بخش کو بازیاب کرانے کی اپیل کی ھے جبکہ پولیس ترجمان نے رابطہ کرنے پر کہا کہ مقامی پولیس کے علم میں اغوا کا ایسا کوئی واقعہ نہیں ھے۔