مظفر گڑھ (مظفرگڑھ ڈاٹ سٹی ۔ 14 جون2022ء) مظفرگڑھ کے موضع ٹبی بھٹیاں میں دوران ڈکیتی ڈاکوؤں نے شادی شدہ خاتون کو بچوں کے سامنے مبینہ طور پر گینگ ریپ کا نشانہ بنا ڈالا۔
متاثرہ خاتون کے شوہر طالب حسین نے بتایا کہ 3 ڈاکوؤں نے بچوں کے سامنے میری بیوی کا ریپ کیا، 4 مسلح ڈاکو فش فارم سے ٹرانسفارمر اتارنے آئے تھے مگر ٹرانسفارمر نہ اتار سکے، ایک ڈاکو نے مجھ سمیت 2 افراد کو اسلحے کے زور پر یرغمال بنایا.طالب حسین نے بتایا کہ بیوی کو زیادتی کا نشانہ بنانے کے بعد ڈاکو بالیاں اور دیگر سامان بھی اٹھاکر لے گئے۔
متاثرین نے الزام لگاتے ہوئے کہا کہ واردات کے بعد ڈاکو فرار ہونے میں کامیاب ہوگئے جب کہ پولیس واقعہ کی اطلاع کے 5 گھنٹے بعد پہنچی۔دوسری جانب واقعہ سے متعلق مؤقف دیتے ہوئے مظفرگڑھ پولیس نے بتایا کہ متاثرہ خاندان مقامی زمیندار کے فش فارم پر بطور ملازم کام کرتا ہے، واقعہ کے فرانزک شواہد اکٹھے کیے جا رہے ہیں اور خاتون کا میڈیکل کروایا جارہا ہے، معاملے کی تحقیقات کے بعد مقدمہ درج کیا جائے گا۔