مظفرگڑھ (مظفرگڑھ ڈاٹ سٹی ۔ 04 ستمبر2021ء) طالبہ کو چھیڑنے پر علاقہ مکینوں نے اوباشوں کی درگت بناڈالی،درجنوں افراد نے اوباشوں کو رسیوں میں جکڑکر مین شاہراہ پر چارپائی سے باندھ دیا۔درگت بنانے کی ویڈیو سوشل میڈیا پر وائرل ہوگئی۔تفصیل کے مطابق مظفرگڑھ کے تھانہ خانگڑھ کی حدود منڈا چوک پر طالبہ سے چھیڑخوانی کرنے پر علاقہ مکینوں نے اوباش نوجوانوں کی درگت بناڈالی۔
درگت بنانے کی ویڈیو سوشل میڈیا پر وائرل ہو گئی۔
ویڈیو میں دیکھا جاسکتا ہے کہ درجنوں افراد اوباش نوجوانوں کو مین شاہراہ پر تشدد کا نشانہ بنا رہے ہیں،مشتعل افراد نے بستی میراں حیات کے دو اوباش نوجوانوں کو رسیوں سے جکڑ کر چارپائی کے ساتھ باندھ دیا۔اوباش نوجوانوں نے تھانہ خانگڑھ کی حدود منڈا چوک پر سکول کی طالبہ سے غیراخلاقی حرکت کی۔طالبہ چھٹی کے بعد گھر واپس جا رہی تھی کہ اوباشوں نے بیچ سڑک چھیڑخوانی شروع کردی۔مقامی افراد کے مطابق اوباش نوجوانوں کو تھانہ خانگڑھ پولیس کے حوالے کردیا گیا جبکہ پولیس نے وقوعہ سے لاعلمی کا اظہار کیا.