مظفرگڑھ(مظفرگڑھ ڈاٹ سٹی ۔ 26 اگست2019ء) مظفرگڑھ کی تحصیل جتوئی میں ڈکیتی کی وارداتوں میں اضافے سے شہری خوفزدہ اور پریشان ہوگئے آئے دن علاقے میں کہیں نہ کہیں ڈکیتی کی واردات ھو جاتی ھے پولیس کے دعووں کے برعکس وارداتوں میں اضافہ ھو رھا ھے گزشتہ رات گرڈ چوک جتوئی کے نزدیک ڈکیتی کی واردات میں پاکستان تحریک انصاف کے رہنما ڈاکٹر زبیر قادر گٹ، راؤ جاوید اختر سنئیر صحافی اور افضل لاڑ رہنما سرائیکی قومی اتحاد کو 3 نامعلوم مسلح ڈاکوؤں نے لوٹ لیا اور اسلحے کے زور پر ان کو نقدی، اے ٹی ایم، اور دیگر کاغذات سے محروم کر دیا گیا ایک اور واردات میںگزشتہ رات تقریبا نو بجے موضع ویداد ایک برات جارہی تھی ایک موٹر سائیکل برات سے کچھ آگے تھا جب بستی سلانی پہنچا تو راستہ میں ڈاکو نے روک کر موٹر سائیکل اور نقدی چھین لی شہری جرائم میں اضافے اور آئے دن کی ڈکیتی کی وارداتوں سے خوفزدہ اور عدم تحفظ کا شکار ھو گئے ھیں انہوں نے اعلی ا حکام سے صورتحال کا فوری نوٹس لے کر امن و امان کی صورتحال بہتر بنانے کا مطالبہ کیا ہے ۔