مظفرگڑھ کے اولڈ کرکٹرز کی ٹیموں کے درمیان یاد گاری کرکٹ میچ کاانعقاد

مظفر گڑھ۔ (مظفر گڑھ ڈاٹ سٹی۔ 07 اگست2017ء) مظفرگڑھ کے اولڈ کرکٹر ٹیموں کے درمیان ایک یاد گاری کرکٹ میچ فیصل اسٹیڈیم میں کھیلا گیا ، ایس ایچ او تھانہ چوک قریشی ملک مجاہد میچ کے مہمان خصوصی تھے، میچ میں صدر ڈسٹرکٹ کرکٹ ایسوسی ایشن اظہر اقبال اجی، ایس ایچ او رانا اقبال، ڈسٹرکٹ انفارمیشن آفیسر محمد شہزاد اور سابق صدر ڈسٹرکٹ کرکٹ ایسوسی ایشن اور مقامی ایم پی اے حماد نواز ٹیپو کے بھائی فراست نواز بابر نے خصوصی طور پر شرکت کی، رانا اقبال کی آل رائونڈ کارکردگی کی بدولت خالد الیون نے ارشاد الیون کو شکست دیدی، خالد الیون نے پہلے بیٹنگ کرتے ہوئے مقرر اوور ز میں 142سکور کا ہدف دیا ، خالد الیون کیطرف سے فراست اقبال نے 40، رانا اقبال نے 30اور مشتاق سیال نے 32رنز بنائے، جواب میں ارشاد الیون کی طرف سے کوئی کھلاڑی قابل قدر کارکردگی نہ دکھا سکا، خالد الیون نے یہ میچ 60رنز سے جیت لیا، فراست اقبال بابر مین آف دی میچ رہے، میچ کے اختتام پر مہمان خصوصی ایس ایچ او تھانہ چوک قریشی ملک مجاہد عباس نے کہا کہ مظفرگڑھ کے اولڈ کرکٹر زکے درمیان اس یادگاری میچ کا انعقاد خوش آئند ہے ، انہوں نے کہا کہ ایسی صحت مندانہ سرگرمیاں نوجوان نسل کیلئے مشعل راہ ہیں۔