مظفرگڑھ (مظفرگڑھ ڈاٹ سٹی۔ 26 ستمبر2022ء) مظفرگڑھ میں چار روزہ ساتویں تھل جیپ ریلی کے انعقاد کا اعلان کر کے نوٹیفکیشن جاری کر دیا گیا ، ہیڈ محمد والہ کے ریت ٹیلوں سے شروع ہونیوالی تھل جیپ ریلی 10نومبر 2022 سے13 نومبر تک جاری رہے گی،تھل جیپ ریلی کے پہلے روز 10 نومبر کو گاڑیوں کی رجسٹریشن، ٹیگنگ اور میڈیکل چیک اپ ہو گا،تھل جیپ ریلی کے دوسرے روز 11 نومبر کو کوالیفائنگ را ؤنڈ ہوگا،12 نومبر کو سٹاک کیٹگری ریس ہو گی اور 13 نومبر کو موڈیفائیڈ وہیکل اینڈ وومن کیٹگری ریس اور شام کو تقریب تقسیم انعامات ہو گی ۔
ساتویں تھل جیپ ریلی پنجاب ٹورازم ڈویلپمنٹ کارپوریشن اور ضلعی انتظامیہ کے تعاون سے کرائی جار ہی ہے جبکہ تھل جیپ ریلی کا فوکل پرسن ایڈیشنل ڈپٹی کمشنر ریونیو مظفرگڑھ تنویر مرتضی کو مقرر کیا گیا ہے۔