مظفرگڑھ (مظفرگڑھ ڈاٹ سٹی۔ 17 اکتوبر2022ء) مظفرگڑھ کی تحصیل کوٹ ادو میں ہائیڈرالک جیک ٹوٹنے سے مزدور آئل ٹینکر کے فریم کے نیچے دب کر جاں بحق ہو گیا ہے ۔
ریسکیو کنٹرول روم مظفرگڑھ کے مطابق تحصیل کوٹ ادو کے علاقے پتل موڑ کے قریب 45 سالہ مزدور غلام عباس آئل ٹینکر کے فریم کی ویلڈنگ کر رہا تھا کہ ہائیڈرالک جیک ٹوٹنے سے آئل ٹینکر کے فریم کے نیچے دب کر جاں بحق ہو گیا۔لواحقین کے اصرار پر ریسکیو ٹیم نے نعش کو متوفی کے گھر منتقل کر دیا ہے۔