جتوئی (مظفر گڑھ ڈاٹ سٹی۔04 اگست ۔2016ء )مظفر گڑھ کی تحصیل جتوئی میں گھر دیر سے آنے پر سسرالیوں نے مبینہ طور پرخاتون کو تیزاب پلادیا۔پولیس کے مطابق تحصیل جتوئی کے علاقے بیلے والا کی رہائشی خاتون شبانہ مائی اپنے بھانجے کے انتقال پر میکے گئی تھی جہاں سے واپس سسرال آنے میں دیر ہوگئی جس پر اس کے شوہر عارف اور دیگر نے سزا کے طور پر اسے مبینہ طور پر تیزاب پلادیا۔ خاتون کو پہلے تحصیل ہیڈکوارٹر ہسپتال اور بعد میں نشترہسپتال ملتان منتقل کردیا گیا۔ پولیس نے خاتون کے شوہر عارف، سسر اور دیوروں کے خلاف مقدمہ درج کرلیا ۔