حادثے میں جاں بحق ہونے والے شخص کی رقم اور دیگر سامان اس کورثاء کے حوالے کر دیا
مظفرگڑھ(مظفرگڑھ ڈاٹ سٹی۔ 30 ستمبر2019ء) ریسکیو 1122 کے نوجوانوں نے ایمانداری کی مثال قائم کر دی حادثے میں جاں بحق ہونے والے شخص کی رقم اور دیگر سامان اس کورثاء کے حوالے کر دیا۔ ریسکیو زرائع کے مطابق مظفرگڑھ ڈیرہ غازی خان روڈ پر بصیرہ بائی پاس پر ٹرالے اور سرف ڈالے کے درمیان ہونے والے حادثے میں صوبہ بلوچستان کا رہائشی عبدالرزاق ولد حاجی دین محمد موقع پر جاں بحق ہو گئے تھے۔
ان کی گاڑی سے موبائل فون، اہم دستاویزات اور ہزاروں روپے کی نقدی ملی جس کو ریسکیو 1122 کے نوجوانوں نے اپنی تحویل میں لے لیا تھا ڈسٹرکٹ ایمرجنسی افیسر ڈاکڑ ارشاد الحق کی ہدایات پر ریسکیو اہلکاروں نے مرحوم کے ورثاء عبدالجلیل اور محمد یونس کو بلا کر رقم اور موبائل فون وغیرہ ان کے حوالے کر دیا مرحوم کے ورثا نے ریسکیو 1122 کی ٹیم کو اپنا فرض ایمانداری اور زمہ داری سے نبھانے پر خراج تحسین پیش کیا ہے۔