مظفرگڑھ(مظفرگڑھ ڈاٹ سٹی۔ 18 نومبر2021ء)ضلعی انتظامیہ مظفرگڑھ نے تھل جیپ ریلی کا شیڈول جاری کردیا ہے، شیڈول کے مطابق 25نومبر کو صبح 9 بجے سے دوپہر 3بجے تک گاڑیوں کی رجسٹریشن، ٹیگنگ، گاڑیوں کا تکنیکی معائنہ اور ڈرائیوروں کا طبی معائنہ کیا جائے گا۔
26نومبر کو قرعہ اندازی کے ذریعے تمام اقسام کی گاڑیوں کے کوالیفائنگ مقابلے ہونگے جو صبح 9بجے سے دوپہر 3بجے تک جاری رہیں گے۔
27نومبر کو سٹوک گاڑیوں کے مقابلے جات ہونگے جو صبح 9بجے سے دوپہر 3بجے تک جاری رہیں گے، 28نومبر کو ترمیم شدہ (موڈیفائڈ) گاڑیوں اور خواتین کی گاڑیوں کے مقابلہ جات ہونگے جو صبح 9بجے سے دوپہر 3بجے تک جاری رہیں گے۔ رات 8بجے فیصل سٹیڈیم کے جمنیزیم ھال میں نتائج کا اعلان کی جائے گا اور تقریب تقسیم انعامات منعقد کی جائے گی۔