مظفرگڑھ، کپاس کی فصل مکمل تیار، بیماریوں کے حملے کا زیادہ خطرہ ہے، طاہر حسین بھٹی

مظفرگڑھ (مظفرگڑھ ڈاٹ سٹی۔ 29 اگست2020ء) اس وقت کپاس کی فصل مکمل طور پر تیار ہو چکی ہے اور تیار فصل پر بیماریوں کے حملے کا زیادہ خطرہ ہے۔ ان خیالات کا اظہار اسسٹنٹ ڈائریکٹر زراعت(توسیع)مظفرگڑھ طاہر حسین بھٹی نے بیٹ قائم شاہ یونین کونسل دانڑیں شاہجمال مرکز میں منعقدہ سیمینار سے خطاب کرتے ہوئے کیا۔

انہوں نے کہا کہ ایسے وقت میں کپاس کی تیار فصل پر بیماریوں کا زیادہ حملہ ہوتا ہے کسانوں کو فوری طور پر پیسٹ سکاوٹنگ کرنی چاہیئے اور اپنے علاقے کے زراعت افسر کے ساتھ مسلسل رابطے میں رہنا چاہیئے اور بیماری کے حملے کی صورت میں زراعت افسر کے مشورہ سے فصل پر اسپرے کرنا چاہیئے۔

انہوں نے کہا کہ ان ہدایات پر عمل کرکے کسان اپنی فصل کو بیماریوں سے محفوظ رکھ سکتے ہیں اور خاطرخواہ منافع بھی حاصل کر سکتے ہیں۔