مظفرگڑھ (مظفرگڑھ ڈاٹ سٹی ۔ 04 جولائی2020ء) دریائے سندھ میں نہاتے ہوئے ڈوبنے والے لڑکے کی تلاش کیلئے ریسکیو آپریشن جاری ہے۔ریسکیو زرائع کے مطابق مظفرگرھ کی تحصیل جتوئی میں گزشتہ روز لنڈی پتافی کے علاقے اقبال چوک کے قریب دریائے سندھ میں نہاتے ہوئے 16 سالہ محمد نادر ڈوب کر لاپتہ ہو گیا تھا۔ اس واقع کی اطلاع ملتے ہی ریسکیو 1122 کی واٹر سرچ ٹیم اور ایمبولینس نے موقع پر پہنچ کرگزشتہ روز سے ہی بچے کی تلاش کے لیے ریسکیو آپریشن شروع کر دیا تھا۔ نہاتے ہوئے ڈوب کر لاپتہ ہونے والا لڑکا محمد نادر تحصیل جتوئی کا رہائشی ہے۔