مظفرگڑھ۔ (مظفرگڑھ ڈاٹ سٹی۔ 08 جنوری2020ء) ڈپٹی کمشنر مظفرگڑھ انجینئر امجد شعیب ترین کی ہدایت پر حکومت کے احکامات کی خلاف ورزی کرتے ہوئے سکول کھولنے پر 44 سکولوں کو سی ای او ایجوکیشن نے نوٹس بھیج کر جواب طلب کرلیا۔یاد رہے کہ پنجاب حکومت نے شدید سردی اور دھند کی وجہ سے تعلیمی اداروں کی تعطیلات میں 12 جنوری تک توسیع کر دی تھی لیکن مظفرگڑھ کے اکثر پرائیویٹ اسکولوں کے مالکان نے حکومتی احکامات کی خلاف ورزی کرتے ہوئے اسکول کھول دیئے تھے۔ والدین اور شہریوں کی شکائت پر ڈپٹی کمشنر نے سی ای او ایجوکیشن کو ایسے تمام اسکولوں کے خلاف کارروائی کی ہدائت کی جس پر سی ای او تعلیم نے ایسے 44 اسکولوں کو نوٹس بھجوا دیئے۔