مظفرگڑھ (مظفرگڑھ ڈاٹ سٹی۔ 09 جون2020ء) مظفرگڑھ جھنگ روڈ پر واقع خدائی بنگلہ پر تیز رفتار ٹرک نے موٹر سائیکل کو کچل دیا، موٹر سائیکل پر سوار ایک شخص موقع پر جاں بحق، جبکہ دوسرا زخمی۔ریسکیو ذرائع کے مطابق حادثہ ٹرک کی تیز رفتاری کے باعث پیش آیا حادثے کے فوراً بعد ٹرک ڈرائیور موقع سے فرار ہو گیا۔ حادثے کی اطلاع ملنے پر ریسکیو 1122 کی ایمبولینس نے جائے حادثہ پر پہنچ کر حادثے میں جاں بحق ہونے والے شخص کی نعش کو شیٹ سے کور کرتے ہوئے لواحقین کے گھر منتقل کر دیا، جبکہ حادثے میں معمولی زخمی ہونے والے شخص کو موقع پر ابتدائی طبی امداد فراہم کی گئی۔ ریسکیو ذرائع کے مطابق موٹر سائیکل پر سوار دونوں سگے بھائی تھے۔