مظفرگڑھ ۔ (مظفر گڑھ ڈاٹ سٹی۔ 07 مارچ2020ء) ڈپٹی کمشنر انجینئر امجد شعیب خان ترین نے کہا ہے کہ زندگی کا مقصد خوشیاں بانٹنا ہونا چاہیے اور ہم نے دستیاب وسائل میں مظفرگڑھ کی عوام میں خوشیاں بانٹنے کی ہرممکن کوشش کی اور مظفرگڑھ کی عوام کے لئے جشن بہاراں کا اہتمام کیا جس میں مظفرگڑھ کی شہریوں بالخصوص خواتین اور بچوں بھر پور شرکت کی اور خوب انجوائے کیا۔یہ بات انہوں نے جشن بہاراں کے انعقاد اور کامیاب بنانے کیلئے اعلیٰ کارکردگی کا مظاہرہ کرنے والے اداروں، سول سوسائٹی، تعلیمی اداروں اور انتظامیہ کو ایوارڈ تقسیم کرنے کی ایک تقریب سے خطاب کرتے ہوئے کہی۔ انہوں نے کہا کہ جشن بہاراں کی رنگا رنگ تقریبات کے انعقاد کیلئے تمام اداروں اور افسران نے ایک ٹیم کے طور پر کام کیا اور بہترین کارکردگی کا مظاہرہ کیا، جشن بہاراں کی ٹیم نے میرے اعتماد کو اور پختہ کیا ہے اور مجھے اس ٹیم پر فخر ہے۔اس موقع پر ایڈیشنل ڈپٹی کمشنر ریونیو عارف ضیاء گجر نے کہا کہ ڈپٹی کمشنر انجینئر امجد شعیب خان ترین کی ہدایت کے مطابق ہم سب نے ٹیم ورک کیا اور جشن بہارا ں کی تقریبات کو کامیاب بنایا۔ اس موقع پر اسسٹنٹ کمشنر مظفرگڑھ رانا محمد شعیب، ڈی ایس پی سٹی عظمت اللہ، افضل چوہان، ام کلثوم سیال، شیخ عامر سیلم، ڈی او ریسکیو 1122ارشادا لحق، ایڈیشنل ڈائریکٹر لائیو سٹاک محمد طارق، اسسٹنٹ ڈائریکٹر کالجز کبریٰ بانو، سمیت ضلعی محکموں کے افسران موجود تھے۔