مظفرگڑھ (مظفر گڑھ ڈاٹ سٹی۔ 18 فروری2020ء) مظفرگڑھ کے رہائشی دو مزدور بھائی منڈی بہائوالدین کے نواحی گاوں میں جھلس کر جاں بحق ہوگئے۔تفصیل کے مطابق منڈی بہاوالدین کے نواحی گاوں شہیدانوالی میں محسن برکس کے بھٹہ خشت پر اینٹوں کی پکائی کا عمل جاری تھا کہ اس دوران دو مزدور 28 سالہ اسماعیل اور 30 سالہ حبیب کوئلہ کی راکھ صاف کرنے کیلئے بھٹہ کے اندر چلے گئے جب کچھ دیر تک واپس نہ آئے تو اسکی اطلاع ریسکیو کو دی گئی، ریسکیو نے موقع پر پہنچ کر آپریشن شروع کیا اور بے ہوشی کی حالت میں دو حقیقی بھائی مزدوروں کو بھٹہ خشت سے باہر نکال لیا لیکن وہ آکسیجن کی کمی کی وجہ سے جاں بحق ہو گئے۔مرنے والوں کا تعلق مظفر گڑھ کی تحصیل جتوئی سے ہے۔ ریسکیو نے لاشیں پوسٹ مارٹم کیلئے ڈسڑکٹ ہیڈ کواٹر اسپتال منتقل کر دی ہیں۔