مظفرگڑھ ۔ (مظفرگڑھ ڈاٹ سٹی۔ 19 دسمبر2019ء) بجلی بحالی میں مصروف لائن مین کرنٹ لگنے سے جاں بحق۔میپکو سب ڈویژن کے مطابق چوک سرورشہید کا لائن مین مہر محمد اشرف بجلی خرابی کی کممپلینٹ پر چک نمبر 652ٹی ڈی اے گیا، اس نے اپنے ساتھی لائین مین کو فون کرکے لیہ روڈ مکہ میرج ہال کے قریب لگے جمپر اتارنے کا کہا،کنفرم ہونے پر کھمبے پر چڑھ گیا، جیسے ہی اس نے ٹرانسفارمر کو ہاتھ لگایا، اسے الیون کے وی تاروں نے دبوچ لیا اور کرنٹ لگنے سے لائن مین کی موقع پر ہی موت واقع ہوگئی اور وہ کافی دیر تک تاروں پر لٹکتا رہا بعد میں بجلی بند کرکے نعش کو اتارا گیا۔